Etiska ráðið hevur fingið til hoyringar tvær kunngerðir um heilsuvísindaliga gransking, og svaraði 30. mai 2023.
Etiska ráðið takkar fyri møguleikan at koma við viðmerkingum til kunngerðirnar um heilsuvísindaliga gransking. Sum heild metir Etiska ráðið, at endamálið við kunngerðunum er gott. Tó hava vit onkrar viðmerkingar.
Til ber at lesa viðmerkingarnar her:
Etiska ráðið hevur fingið til hoyringar “Uppskot til Løgtingslóg um almenna talgilda postskipan”, og svaraði 3. februar 2023.
Sum heild er grundtankin við lógaruppskotinum góður. Tað er gott at ætlanin er, at tað skal vera valfrítt, hvørt ein brúkar Mínboks ella ikki. Bæði í mun til at varðveita sjálvsavgerðarrættin hjá fólki, og í mun til at ikki allir samfelagsbólkar kenna seg heima í talgildum umhvørvum. Somuleiðis er tað gott, at lógaruppskotið leggur dent á, at Mínboks skal fylgja Web Content Accessibility Guidelines (WCAG).
Hinvegin eru nøkur øki, har uppskotið kann betrast ella gerast greiðari.
Til ber at lesa hoyringarskrivið her:
Viðmerkingar til Uppskot til Løgtingslóg um almenna talgilda postskipan
Etiska ráðið hevur fingið til hoyringar “Uppskot til løgtingslóg um broyting í løgtingslóg um almannatrygd og tænastur – (endurgjald fyri mista arbeiðsinntøku í sambandi við at barn doyr, stuðul til sjúkuútreiðslur og javning)”.
Etiska ráðið tekur undir við og fegnast um, at foreldur, sum missa eitt barn, ella sum fáa eitt barn, ið er deyðføtt, nú fáa rætt til endurgjald fyri mista arbeiðsinntøku í tíðini eftir andlátið ella tíðini eftir, at barnið er føtt.
Etiska ráðið hevur fingið uppskot til løgtingslóg um Fólkaheilsustýrið til hoyringar. Etiska ráðið tekur undir við endamálinum, sum er at fáa betri grundarlag til at ráðgeva politiska myndugleikan í heilsumálum, og at tryggja betri gjøgnumskygni um, hvussu raðfest verður í heilsuverkinum.
Etiska ráðið hevur fingið broytingarnar í revsilógini kap. 24 til hoyringar. Etiska ráðið fegnast um, at rættartrygdin og rættvísiskenslan við ætlaðu broytingunum verður styrkt, og at sjálvsavgerðarrætturin hjá tí, sum er fyri kynsligum ágangi, ikki eigur at vera eitt ivamál.
Etiska ráðið hevur fingið til hoyringar uppskot til løgtingslóg um framtíðarfulltrú. Tað er ringt at siga, hvørjar avleiðingar ein slík lóg fer at hava, og tí mælir Etiska ráðið millum annað til, at lógin verður endurskoðað eftir nøkur ár.