Endamálið við kjakfundinum er at lýsa, hvørjar etiskar støður og spurningar knýta seg at síðstu tíðini áðrenn deyða, og hvussu vit ynskja, at seinasta tíðin skal verða.

Vit varpa ljós m.a. á hesar spurningar:

• Hvat er palliatión?
• Hvussu eru umstøðurnar í heimum, har fólk liggja til at doyggja og hvussu upplivir Heimatænastan hesar støður?
• Hvussu fara vit væl úr hesi verð og hví skulu vit stremba eftir at varðveita førleikarnar sum longst?
• Hvussu ynskja vit, at seinasta tíðin skal verða?

Skrá

Orðstýrari: Uni Arge, journalistur.

Teknmálstulkar: Eyðgunn Hansen og Svanna Hentze í Gong.

Kl. 19.30 Hvat er palliatión og hvussu kunnu vit veita linna og lívsgóðsku?
Hildur við Høgadalsá, sjúkrarøktarfrøðingur og Master í yrkismenning, forkvinna í Etiska ráðnum.

Kl. 19.40 Síðsta tíðin heima – røkt og umsorgan
Jonna Joensen, sjúkrarøktarfrøðingur, deildarleiðari, Heimatænastan.

Kl. 19.55 At fara væl úr hesi verð. Tilveruspurningar evstu tíðina
Marjun Bæk, fyrrverandi sóknarprestur, limur í Etiska ráðnum.

Kl. 20.10 Hví eiga rehabilitering og palliatión at ganga hond í hond?
Sólbjørg Frederiksberg, fysioterapeut á Landssjúkrahúsinum og limur í Etiska ráðnum.

Kl. 20.25 Palliatión í dag og frameftir – hvørjar umstøður ynskja vit?
Bjarni á Steig, yvirlækni og serlækni í blóðsjúkum og palliatión.

Kl. 20.40 Pallborðsorðaskifti, spurningar og kjak

Kl. 21.25 Samanumtøka
Hildur við Høgadalsá, forkvinna í Etiska ráðnum.

Kl. 21.30 Liðugt

At fara væl úr hesi verð. Tilveruspurningar evstu tíðina

Framløgan hjá Marjuni Bæk, fyrrverandi sóknarpresti, limi í Etiska ráðnum, kann eisini lesast her.