Etiska ráðið takkar fyri møguleikan at koma við viðmerkingum til uppskot til Løgtingslóg um fosturtøku (Fosturtøkulógin). Í hesum skrivi viðger Etiska ráðið fyrimunir og vansar við uppskotinum, eins væl og lýsir nakrar prinsipiellar spurningar, ið lógaruppskotið reisir.
Etiska ráðið takkar fyri møguleikan at koma við viðmerkingum til lógaruppskotið um ílegulóg II. Sum heild metir Etiska ráðið at lógaruppskotið er væl frágingið, og at endamálið við tí er gott. Etiska ráðið hevur serliga eina innihaldsliga viðmerking, og annars viðmerkingar av meira lógartekniskum slag.
Etiska ráðið takkar fyri møguleikan at koma við viðmerkingum til bekendtgørelse for Færøerne om autorisation af visse sundhedspersoner, der er statsborgere i og/eller uddannet i lande udenfor EU/EØS. Etiska ráðið tekur undir við broytingini, men hevur eisini nakrar viðmerkingar.
Etiska ráðið takkar fyri møguleikan at koma við viðmerkingum til lógaruppskotið um broyting í løgtingslóg um revsing. Etiska ráðið metir at lógaruppskotið er gott, eins og ráðið metur at tað er týdningarmikið at gera eina slíka dagføring. Etiska ráðið hevur kortini nakrar viðmerkingar til lógaruppskotið.
Ummælisskriv til uppskot til Løgtingslóg um broyting í løgtingslóg um revsing 2
Etiska ráðið takkar fyri møguleikan at koma við viðmerkingum til kunngerðina um endurgjald fyri mista arbeiðsinntøku í sambandi við ansing av barni, ið ber brek ella hevur varandi sjúku, doyggjandi ella persóni við seinheilaskaða, og tá foreldur missa barn. Sum heild metir Etiska ráðið, at endamálið við kunngerðini er gott, og vit hava einans eina viðmerking.
Tær broytingarnar, sum verða gjørdar í kunngerðini, eru góðar og geva etiskt meining. Tá um ræður § 6 kann ein avbjóðing tó vera, tá um ræður orðingina “løgfrøðiligum foreldrum”. Tá um ræður ein pápa hjá deyðføddum barni, ið ikki er giftur við mammuna, so leggur verandi lóggáva upp til, at faðirskapurin skal skrásetast á sama hátt sum vanligt. Her kann tað á eini síðuni vera vert at tryggja sær, at hendan mannagongd altíð verður fylgd. Støðan foreldrini eru í er svár, og tá er menniskjansligt at leggja dent á annað enn pappírsarbeiði. Á hini síðuni kann tað verða ein avbjóðing, um ein endar í teirri óhepnu støðu, at mamman ikki vil viðurkenna pápan, og pápin fegin vil hava endurgjald fyri mista arbeiðsinntøku. Tá kann tað serliga vera ein avbjóðing, um deyðfødda barnið er jarðað áðrenn ein fær staðfest hvør pápin er. Etiska ráðið dugir tó ikki at meta um, hvussu vanligt tað kann vera, at hetta skapar avbjóðingar.
Etiska ráðið hevur fingið til hoyringar “kunngerð um um krabbameinsskrá og um at fráboða krabbameinssjúku o.a. í skránni”, og svaraði 21. juni 2023.
Etiska ráðið takkar fyri møguleikan at koma við viðmerkingum til kunngerðina um krabbameinsskrá og um at fráboða krabbameinssjúku o.a. í skránni. Sum heild metir Etiska ráðið, at endamálið við kunngerðini er gott. Tó hava vit tvær viðmerkingar.
Til ber at lesa viðmerkingarnar her:
Hoyringssvar til kunngerð um um krabbameinsskrá og um at fráboða krabbameinssjúku