Fyrsta týsdag í hvørjum mánaði í vetrarhálvuni, bjóðar Etiska ráðið til etiska kvøldsetu í KFUK-húsinum. Týskvøldið 4. novembur kl. 19 fara vit at hoyra um polarisering.

Heimurin gerst alsamt meira polariseraður, verður ofta nevnt. Hóast vit ikki neyðturviliga eru meira ósamd enn vit altíð hava verið, hava nógvar ósemjur fingið eitt annað og meira ræðandi lyndi, og summi evnir tykjast beinleiðis ógjørlig at hava virðiligt orðaskifti um.

Sigri Gaini, ph.d. í politiskari heimspeki, fer hetta kvøldið at seta sjóneykuna á polarisering í almenna, politiska kjakinum og viðgera spurningin um, hví hetta er ein alsamt vaksandi avbjóðing í fólkaræðinum – bæði í Føroyum og í øðrum pørtum av (vestur)heiminum.

Suni Poulsen, sálarfrøðingur, fer at hugleiða um sálarfrøðiligu síðurnar av polarisering, herundir orsøkir til hví vit kunnu vera so rúkandi ósamd, at vit beinleiðis skipa okkum í pólar. Serliga verður útgangsstøðið tikið í granskingini hjá amerikanska moralpsykologinum Jonathan Haidt.

Upptøkur

Upptøkurnar frá tiltakinum eru her:

Bergur Debes Joensen, formaður í Etiska ráðnum, bjóðar vælkomin

Kjeld Møller Pedersen, professari í heilsubúðskapi á Syddansk Universitet

Jógvan D. Hansen, lærari í heimspeki á Fróðskaparsetri Føroya

Sirið Stenberg sum fyrrverandi landsstýriskvinna í heilsu- og almannamálum

Hjørdis Mortensen, stjóri í Almannaverkinum

Pál Weihe sum lækni og fyrrverandi leiðari á Landssjúkrahúsinum

Pallborðsorðaskifti

Torkil Tórgarð, nýggjur stjóri á Føroya Fólkaháskúla, fer at greiða frá háskúlarørsluni, sum tók skap í árunum kring innførsluna av donsku grundlógini, og sum varð tætt sameint við menningini av nýggja fólkaræðinum í Danmark. Háskúlarørslan kann sostatt skiljast sum eitt demokratiskt projekt, sum m.a. leggur dent á demokratiskt dannilsi og sambandið millum borgara og samfelag. Í samband við kvøldsetuna hava næmingar á háskúlanum arbeitt við evninum ‘demokrati‘, og verða málningar teirra eisini sýndir fram á kvøldsetuni.