Leiðreglur fyri etiska handfaring av smittusjúkum

Bóklingur, sum heimsheilsustovnurin WHO gav út í 2016 til at stuðla undir etisku handfaringina í støðum, tá álvarsamar farsóttir herja.

Etiska ráðið í Føroyum hevur í sambandi við COVID-19 tikið stig til at týða bóklingin til føroyskt og útgeva hann.

Bóklingurin er ætlaðar sum íkast til almennar, fólkaheilsuligar etiskar leiðreglur. Tær skulu tí lesast saman við meira almennum vegleiðingum um evnir sum fólkaheilsueftirlit, gransking við menniskjum, og tørvin hjá viðbreknum bólkum.

Í innganginum er eitt brot, har viðkomandi etiskar meginreglur sum rættvísi, góðgerð, gagn, virðing, frælsi, sínámillum hjálp og samanhald verða lýst.