Fakligur skrivari til skrivstovuna hjá Etiska ráðnum

Søkt verður eftir einum starvsfólki til skrivstovuna hjá Etiska ráðnum. Talan er um hálvdagsstarv.

Starvið fevnir í høvuðsheitum um:

Etiska ráðið skal fremja og styrkja kjak og vitan um etiskar spurningar, ið knýta seg til heilsufakligt virksemi á heilsuøkinum, almannaøkinum og kommunala økinum. Tín uppgáva í hesum sambandi verður at savna inn tilfar og greina tilfarið fyri ráðið.

Etiska ráðið skal skipa fyri ráðstevnum, evnisdøgum og kjakfundum fyri at varpa ljós á aktuellar etiskar spurningar. Tín uppgáva verður at skipa fyri teimum kunningarátøkum og tiltøkum, sum Etiska ráðið ynskir at seta á skrá.

Ráðið skal lata úr hondum minst eina frágreiðing um árið. Tín uppgáva verður at skriva frágreiðingarnar í samstarvi við Etiska ráðið.

Útbúgvingarkrøv:

Viðkomandi útbúgving frá hægri lærustovni.

Vit vænta at:

Tú hevur viðkomandi arbeiðsroyndir

Hevur góðan kunnleika til samfelagsviðurskifti

Tú hevur góð samstarvsevnir og ert arbeiðssom/samur

Tú hevur góð evni at arbeiða sjálvstøðugt og ert væl skipað/ur

Tú hevur góð evni at samskifta á føroyskum, norðurlendskum og enskum máli

Góðan kunnleika innan kunningartøkni og miðlan

Góðan kunnleika innan skrivstovu- og bókhald

Tað er ein fyrimunur, um tú hevur kunnleika til heilsufakligt virksemi á heilsuøkinum, almannaøkinum ella kommunala økinum.

Lønar- og setanartreytir:

Starvið verður lønt sambært avtalu millum Fíggjarmálaráðið og avvarðandi yrkisfelag.

Tann, ið settur verður, má kunna tola broytingar í starvinum. Tann, ið settur verður vísir í starvinum til formannin í Etiska ráðnum. Starvsbyrjan er 1. februar 2020.

Umsóknir:

Umsóknir, saman við avriti av prógvum og møguligum viðmælum, skulu vera Etiska ráðnum í hendi í seinasta lagi týsdagin 10. desember kl. 12.00.

Umsóknir skulu sendast sum bræv ella teldubræv til:

Etiska ráðið, J.C. Svabosgøta 43, FO-100 Tórshavn ella er@er.fo

Fyrispurningar um starvið kunnu setast til Hildur við Høgadalsá, forkvinnu á tel 26 22 12 ella hildur@er.fo

Etiska ráðið hevur til endamáls, at fremja og styrkja kjak og vitan um etiskar spurningar, ið knýta seg til heilsufakligt virksemi á heilsuøkinum, almannaøkinum og kommunala økinum. Harumframt hevur Etiska ráðið til endamáls at gera almennar myndugleikar og borgarar betur førar fyri at taka støðu í etiskum spurningum. Ráðið er við til at byggja upp almenna vitan og førleikar um etiskar spurningar í Føroyum. Í Etiska ráðnum sita 9 limir, ið verða valdir fyri 4 ár í senn.